QSD: BI DEHAN ÇETE HATIN KUŞTIN Û ZÊDETIRÎ 30 NUQTE HATIN AVAKIRIN

Navenda Ragihandina QSD’ê encama şerê 24 saetên derbasbûyî yê qonaxa dawî ya Pêngava Bagera Cizîrê eşkere kir.

Li gorî vê, bi dehan çete hatine kuştin.

Li bajaroka Hecînê û derdora wê, şervanên QSD’ê êrîşeke berfireh birin ser nuqteyên çeteyan.

Şervan 2 KM pêş ketin û 20 nuqteyên parastinê ava kirin.

Balafirên Kaolîsyonê jî çend baregehên çeteyan rûxandin.

Li vir hejmarek çete hatin kuştin û cenazeyên hindekan, li naverasta şer man.

Her wiha tîmên taybet jî, yekser dest bi paqijkirina herêmê ji bermahiyên çeteyan kirin.

Li aliyekê din jî piştî şerekî giran, şervan 2 KM pêş ketin.

Çeteyan êrîşeke dijber pêk anî, lê şervanan bersiv da.

Balafir û topavêjin Koalîsyonê jî, navedên çeteyan kirin hedef.

Li eniyeke din jî, şervanan 13 nuqte ava kirin.

Navenda Ragihandina QSD’ê di bîlançoya doh de jî ragihandibû, 19 çete hatin kuştin û 5 çeteyên biyanî 30 Kanûna 2018’an hatin girtin.