Li ser daxwaza Rêveberiya Xweser û fermandariya Hêzên Sûriya Demokratîk (QSD), Dewletên Yekbûyî yên Emerîka teqez kir ku ew kiryarên xirab li dijî QSD û Kurdan qebûl nakin.
Nûnerê taybetê yê DYE li Sûriyê James Jeffrey diyar kir ku mijara ewlehiya sînor li Sûriyê di rojeva wan de ye.
Jeffrey wiha got:
“Ji bo ewlehiya sînor û parastina Kurdan, em bi Tirkiyê re di nava hewldanan de ne.”
Bê guman ev jî piştî banga Rêveberiya Xweser û fermandariya QSD’ê ya der barê bicihkirina hêzên navnetewî navbera QSD û dewleta Tirk de derket holê.
Ji xwe beriya niha û bi mebesta rawestandina gefên dewleta Tirk a dagirker li ser herêmê, Rêveberiya Xweser û QSD xwestin ku hêzeke navnetewî li ser sînora bi Tirkiyê re were bicihkirin.
Jeffrey diyar kir ku ew qebûl nakin ku êrîşek li dijî QSD û Kurdan bê kirin.
