Wezîrê Parastinê yê Amerîkayê Austin ku li Tel Avîvê hevdîtin bi hempişeyê xwe yê Îsraîlî re pêk anî.
Di serdana xwe de, Austin, ji bo parastina sivîlên li Xezayê banga parastinê ji Îsraîlê kir.
Wezîrê Parastinê yê Îsraîlê ragihand ku ew ê di şerê li Xezeyê de derbasî qonaxeke nû bibin.
Hemwextî van peyaman jimara filistîniyên li Şerîda Xezayê hatine kuştin, 19 hezar derbas kir.
Wezîrê Parastinê yê Amerîkayê Lloyd Austin di hevdîtinên xwe yên li Tel Avîvê de peyam da ku ew ê piştgiriya Îsraîlê bidomînin.
Hemwextî vê, banga zêdekirina alîkariyên ji bo gelê Filistînê yên li Şerîda Xezayê jî kir.
Wezîrê Amerîka Austin li Îsraîlê ye
Austin li Tel Avîvê bi hempîşeyê xwe yê Îsraîlê Yoav Gallant re hevdîtin kir.
Piştî hevdîtinê herdu wezîran, civîneke çapemeniyê ya hevpar hate li dar xistin.
Austin diyar kir ku Waşington “dostê herî mezin ê Îsraîlê ye” û diyar kir ku ew ê şandina ” cebilxane, wesayitên taktîkî û pergalên parastina hewayî yên girîng bidomînin.”
Austin anî ziman ku divê alîkariyên mirovî ji bo nêzîkê 2 milyon kesên ku li Zîvala Gazayê ji cih û warên xwe bûne, werin peyda kirin û baştir were belavkirin.
Ji Îsraîlê di şer de peyama “qonaxeke nû”
Wezîrê Parastinê yê Îsraîlê Gallant jî diyar kir ku ew ê gav bi gav derbasî qonaxeke nû ya şerê li Xezayê bibin.
Gallant daxuyakirin ku “ew ê di demeke nêz de karibin deverên cuda yên Xezayê ji hev qut bikin.”
Li gorî daneyên Wezareta Tenduristiyê ya Şerîeya Rojava, di operasyona îro ya artêşa Îsraîlê ya li Kampa Penaberan a El Farîayê de 4 Filistînî hatine kuştin.
Li Xezayê jimara Filistîniyên hatine kuştin 19 hezar derbas kir
Li gor daneyên ku Wezareta Tenduristiyê ya Hemasê parvekirî, jimara filistîniyên li Şerîda Xezayê hatine kuştin gihiştiye 19 hezar û 453 an.
Her wiha 52 hezar û 286 kes birîndar bûn.
Ji şerê 7’ê Cotmehê ya bi despêkirina Hemasê li ser Îsraîlê re, 1200 Îsraîlî hatin kuştin û 240 kes jî ji aliyê Hamasê ve dîl hatibûn girtin.
