Nakokî û dijberiyên Israîl û Tirkiyê li Sûriyê dewam dikin.
Beriya çend rojan piştî ku hat ragihandin ku Tirkiyê wê li Sûriyê baregehên xwe ava bike, Israîlê dest bi êrişan kir.
Piştî wê wezareta parastinê ya Tirkiyê ragihand ku ti niyeta wan a avakirina baregehan li Sûriyê nîne.
Li ser asta dîplomatîk jî tawan û êrişên her du aliyan ne diyar e.
Danûstandinên her du aliyan her diçe dixetimin û pêşeroja têkiliyan wan li Sûriyê ne diyar e ber bi ku ve diçe.
Çima Israîl piştî rûxandina rêjîma Baas’ê û nebûna Îranê êrişên xwe li nava Sûriyê ranewestandiye ?
Ev pirs ya ku herî zêde ku îro derdikeve pêş e.
Di nava van her du rojên derbasbûyî de Israîlê zêdyî 30 êriş li nava axa Sûriyê pêk aniye.
Balafireha Hema ya Leşkerî, Baregeha T4 ya Himsê, navenda Lêkolînên Zanistî ya li taxa Berzê ya Şamê û gundewarên Deraayê duh bi şev bûn armanca bombe û topên Israîlê.
Li gor Çavdêriya mafên Mirovan a Sûiyê 4 endamên desthilata Şamê hat kuştin û 12 jî birîndar bûn.
Adara derbasbûyî di nûçeya rojnameya Israel Hayomê de hat gotin ku rêveberiya Tel Evîvê ji Amerîkayê xwest ku nehêle Tirkiye li Sûriyeyê baregehan ava bike.
Ev êriş di demekê de pêk hatin ku dihate îdiakirin ku Tirkiye dixwaze li Balafirgeha T4ê baregehek ava bike.
Lê artêşa Îsraîlê da zanîn ku wan jêrxaneyên leşkerî yên artêşa berê ya Sûriyeyê kirine armanc.
Herwiha Til Ebîb piştî êrişan eşkere kir ku ev ji serkirdeyên nû yên Îslamî yên li Şamê re hişyarî ye.
Wezîrê Karên Derve yê Îsraîlê Gideon Saar ji bo hevdîtina bi Wezîrê Karên Derve yê Fransayê Jean-Noel Barrot re çû Parîsê.
Gideon Saar li Parîsê ji rojnamegeran anî ziman ku çi ji destê wan tê dikin.
Wezîrê Karên Derve yê Îsraîl Gideon Saar got, Îsraîl ji “rola neyînî” ya ku Tirkiye li Sûriye, Libnan û herêmên din dilîze bi fikar e.
Her wekî Saar bal kişande ser birêvebiriya nû ya Sûriyeyê û got, “Ji bo ku Sûriye bikeve bin parastina Tirkiyeyê, çi ji destê wan tê dikin.”
Wezîrê Karên Derve yê Îsraîlê Gideon Saar ji rojnamegeran re got, “Divê rejîma herî tundrew a cîhanê nebe xwediyê çeka herî metirsîdar a cîhanê.”
Lê Wezareta Karên Derve ya Tirkiyeyê jî li ser bombebaranên Îsraîlê yên li Sûriyeyê bêdeng nema û daxuyaniyeke nivîskî belav kir.
Di daxuyaniyê de hate idîiyakirin ku Israîlê bi êrişên xwe yên ku temamiya erdnîgarî û yekîtiya neteweyî ya welatên herêmê dikin armanc, Îsraîl bûye gefa herî mezin a ji bo ewlehiya herêma me.
