Hikûmeta Nepalê ragihand ku di çalakiyên tundiyê yên li Katmanduyê di destpêka hefteyê de qewimîn de hejmara kesên jiyana xwe ji dest dane derket 72’an û hejmara birîndaran jî bû 191.
Hikûmeta nû ya Nepalê hejmara kesên ku di çalakiyên li dijî bertîlgiriyê yên vê hefteyê de jiyana xwe ji dest dane ber bi jor ve revîze kir û ragihand ku herî kêm 72 kes mirine.
Ev bûyer ji sala 2008’an û vir ve piştî rakirina monarşiyê wekî çalakiyên herî xwînrêj ên welêt hatin tomarkirin.
Xwepêşandanên dijî bertîlgiriyê yên ku ciwanan pêşengî kirin û li dijî zordariya polîsan dest pê kirin, bûn sedema îstîfaya serokwezîr Sharma Oli.
Li şûna wî, Sushila Karki ya ku bi helwesta xwe ya serbixwe tê naskirin, wekî serokwezîra demkî hate tayînkirin.
Karki wê şeş mehan li ser erkê bimîne û heta hilbijartinên ku ji bo Adara 2026’an têne plankirin welêt birêve bibe.
Serokwezîra nû, di yekem daxuyaniya xwe ya piştî destbikarbûnê de got:
“Divê em bi ramana nifşê ciwan re lihevkar bixebitin. Daxwazên wan; bidawîkirina bertîlgiriyê, rêveberiya baş û wekheviya aborî ye.”
