Wezareta Parastinê ya Efxanî ragihand ku di nava 24 saetên dawiyê de, 193 endamên Talebanê hatin kuştin.
Wezareta da xuyakirin ku di encama şerê li bajarê Nengerhar, Mîdan, Qendehar û çend bajarên din de, 193 endamên tevgera Talebanê hatin kuştin û 110 jî birîndar bûn.
Wezaretê her wiha da zanîn ku tibabeke çek û cebilxaneya Talebanê hate desteserkirin û hin veşartgehên wan hatin rûxandin.
Çend roj in, piştî vekişîna hêzên Amerîkî, di navbera hêzên Efxanî û tevgera Talebanê de şerekî giran rû dide.
Ji ber şerê her du aliyan, bi hezaran sivîl ji malên xwe derbider dibin.
