Leşkerên dewleta Tirk li navçeya Berwariyê gule li wesayîteke ku penaber tê de bûn reşandin di encamê de 2 penaberan jiyana xwe ji dest dan.
Li navçeya Berwarî ya Sêrtê, leşkerên Tirk li nêzî bajarokê Begendîkê li wesayitekê reşandin ku 84 penaberên ji Afganistan û Pakistanê tê de bûn.
Di encamê de 2 penaberan jiyana xwe ji dest dan û 12 jî hatin birîndar kirin.
Penaberên birîndar li nexweşxaneya Lêkolîn û Perwerdeyê ya Sêrtê tên derman kirin.
Her wiha ajokarê wesayîtê hate destgîrkirin û penaberên din jî ji cihê bûyerê reviyan.
Walîtiya Sêrtê da zanîn ku wan hişiyar dan lê ji ber guh nedan hişyariyê di encamê de leşkeran gule li wan reşandin.
