Komîteya Çandiniyê a bajarê Tebqayê ji bo başkirina rewşa çandiniyê bi taybetî piştî daketina asta ava çemê Firatê, û ji bo barê cotkaran sivik bikin bi hevkariya sê saziyan ve ji bo çotkaran mîqtarên tov û buhayên sotemeniyê diyar kirin.
Ji ber qutkirina ava Firatê û bahabûna alavên cotkariyê, cotkarên li herêmê zehmetiya dikişînin.
Komîteya Çandiniyê ya girêdayî Rêveberiya Sivîl a Tebqayê bi hevkariya Gernînedetiya Sotemeniyê û Şîrketa Pêşxistina Çandiniyê, deriyê rûxsetan vekir û da ku piştgirî bidin cotkaran û barê wan sivik bikin.
Her wiha Gernînedetiya Sotemeniyê û Şîrketa Pêşxistina Çandiniyê sotemenî û semad li cotkaran belav kirin.
Aliyên navborî ruxset li ser du qonaxan dan cotkaran; a yekem ji 10`ê Nîsanê heya 30’ê Gulanê bû.
Qonaxa duyemîn jî di 10’ê Hezîranê heya 10’ê Tîrmehê dewam kir.
Serokê Nivîsgeha Plankirin û Geşkirinê ya Gernînedetiya Çandiniyê Omer Mihemed axivî û wiha got :
Ruxsetkirina erdan ji aliyê cotkaran ve zêdetir bûye, da semadê peyda bikin, barê cotkaran sivik bikin û sotemeniyê bi buhayên guncaw peyda bikin.
Her wiha Berpirsê çandiniyê yê Gernînedetiya Sotemeniyê Ehmed El-Salih piştrast kir ku lîtreya mazotê bi 75 lîreyên Sûriyê li cotkaran tê belavkirin.
Hevserokê Şîrketa Pêşxistina Çandiniyê Ebdulbasit El-Şêxan jî diyar kir ku miqdarên tov û semadê dê li gorî rêjeyên jêrîn dê werin belavkirin :
Ji bo her donimek erdê çandiniyê 3 kg tovê garisê zer, 40 kg semadê yûrya û 20 kg semadê axê dê werin dayîn.
Ji bo fasûliyên soyayê jî, ji bo her donimekê ji 6 heya 20 kg tovên soya hatine diyarkirin.
Her wiha ji bo gulberojkan, ji bo her donimekê ji 1 heta 3 kg tov hatine veqetandin.
Ji bo her donimek erdê çandiniyê 3 kg tovê garisê zer, ji bo herdonimek gulberojkan hatine veqetandin.
