Dîwana Hevserokatiya KCDK-E’yê ragihand ku wê di navbera 10 û 12’ê Tîrmehê de ji Lozanê ta Cenevreyê meşek lidar bikeve.
Bi riya daxuyaniyekê dîwana hevserokatiya KCDK-E’yê diyar kir ku wê di 10-12’ê Tîrmehê de li Swîsrayê ji bajarê Lozanê ta Cenevreyê meşek bê lidarxistin
Her wiha dê siyasetmedar, nivîskar, hunermend, rojnamevan û akademîsyen tevlî meşê bibin.
Di daxuyaniyê de ev tişt hatin gotin:
“Ji bajarê Lozanê yê ku bi Peymana Qirkirinê ya Lozanê Kurdistan kirin 4 parçe, ta bajarê Cenevreyê em ê meşeke 3 rojan li dar bixin.
Meş wê li dijî qirkerî û dagirkeriya li ser Kurdistanê bi diruşmeya ‘Li dijî dagirkeriya Tirkiyeyê em ê Kurdistanê biparêzin’ bê lidarxistin.
Gelê Kurd piştî 100 salî bi ruhê yekîtiyê ya li her 4 parçeyan pêk anîne, gihîştine wê astê ku encamê bi dest bixe.
Ji bo wê têkoşîna hevpar a gelên Kurdistanê wê bibe qezenca vê sedsalê.”
Di dawiya daxuyaniyê de bang li gelê Kurd, dostan û her kesên xwe weke mirov dibîne hate kirin ku tevlî meşê bibin.