Li Efrîna dagirkirî sûc û hovîtiya dewleta Tirk a dagirker û çeteyên wê navber dewam dikin. Tenê di nava 6 mehên vê salê 25 jin hatine revandin û hê jî çarenûsa wan nediyar e û 23 jin jî hatine qetilkirin.
Ev bû çar sal in, sûc û kirinên dewleta Tirk a dagirker û çeteyên wê li Efrîna dagirkirî, bêserûber didomin.
Dagirker di kesayeta jinan de, dîrok, xweza û vîna gel têk dibin..
Li gorî rêxistina Mafên Mirovan a Efrînê di nava sê sal û 6 mehan de,
83 jin hatine kuştin, ji wan 5 ji bo ku nekevin destê çeteyan dawî li jiyana xwe anîne.
216 jin birîndar bûne, li gorî belgeyan jî 70 jin rastî destavêtinê hatine.
Tenê di nava 6 mehên vê salê de, 25 jin hatine revandin û çarenûsa wan nediyar e.
Di nava wan de zarokên bi navê Eliye Ednan Cuma zaroka 13 salî, Rûya Mehmûd Xatir 6 salî jî hene.
Li gel vê jî di nava 6 mehan de 23 jin hatine kuştin.
Ji wan Hena Mistefa a 2 salî , Zeyneb Şêx Dawud 21 salî, Zeyneb Îbrahîm 14 salî û Heyva Şerîf Qasim a 21 salî ye.
Ev tenê yê ku tê gotin û belgekirin, lê ji bilî vê bi sedan bûyerên revandin, destavêtin, êşkence û kuştina jinan li Efrîna dagirkirî pêk tên.
Li gorî Komîtya Têkiliyên Dîplomasî ya Kongra Star bi giştî piştî dagirkeriya Efrînê çarenûsa hezar û 200 jinên revandî nediyar e .
Zêdetirîn hezar jin jî hatine kuştin û rastî destavêtinê hatine.
99 jî hatine revandin û derbasî girtîgehên Ezaz û Tirkiyê hatine kirine.