Di çarçoveya hemleya piştgiriya meha çandê, Tevgera Mezopotamya ya Çand û Hunerê ya Herêma Cizîrê duh li bajarê Hesekê şahiyek lidarxist.
Şahî li parka Xabûr bi diruşma “Dem dema azadiyê ye” hat lidarxistin.
Bi dehan endamên saziyên sivîl û leşkerî têde amadebûn, her wiha komên hunerê ji Kobanê, Qamişlo û Dêrikê stran pêşkêş kirin.
Hevseroka Komîteya Çand û Hunerê ya Herêma Cizîrê Nesrîn Botan di çalakiyê de axivî.
Nesrîn Botan diyar kir ku armanca sereke ji van çalakiyan piştevaniya çand û hunera li herêmê ye û piştevaniya hêzên kurd e û wiha domand:
“Em bi hemleya xwe piştgiriya xwe ji hêzên gerîla û pêşmergeyan re nîşan didin û bang dikin şerê navxweyî qedexe bikin.”
