Ji gund hat û bû serokê Perû.
Yekemîn Serokkomarê gundî yê Perûyê Pedro Castîllo, di merasîma sondxwarinê de soz da ku wê destûreke bingehîn a nû amade bike û li dijî karên nelirê têbikoşe.
Di merasîma sondxwarinê ya li parlamentê de, Castîllo got,
Li pêşberî gelên Perûyê ji bo welatekî karên nelirê lê nîne, ji bo çêkirina destûreke nû ya bingehîn sond dixwim.”
Pedro Castîllo piştre ji destê seroka nû ya partiya muxalefetê ya rastgiriya navendî Marîa del Carmen Alva stûmala ji du rengan wergirt.
Merasîma sondxwarinê li salvegera 200. a serxwebûnê ya welat ku xwedî 33 milyon nifûsa pêk hat.
Heta roja Înê jî wê çalakî bêne lidarxistin.
Qralê Spanyayê Felîpe yê 6’emîn, Serokomarê heftemîn ê herêmê, Wezîrê Perwerdeyê yê DYA’yê û Serokomarê berê yê Bolîvyayê Evo Morales jî tevlî merasîmê bû.
Pedro Castîllo yê 51 salî ku sendîkavanê berê ye, kariyera xwe ya pîşeyî li gundekî li bakurê welêt bi mamostetiyê dest pê kir.
Castîllo di hilbijartinên 6’ê Hezîranê de di tûra duyemîn de bi ser ketibû, lê belê serketina wî beriya deh rojan hatibû îlankirin.
