Di çarçoveya guhertina demgorafiya herêmên dagirkirî de dewleta Tirk dest bi projeyeke nû ya avahiyên mêtîgeriyê li bajarê Ezazê kir.
Pirojeyên mêtîngeriyê di van rojên dawî de bi destekdayîna komeleyên “Qeter a Xêrxwaziyê”, “IHH” ya Tirkiyê û rayedarên Tirk weke waliyê Kilisê Recep Soyturk hatiye destpêkirin.
Tê payîn ku mêtîngeriya bi navê “El-Emel” ava dibe, wê 2 hezar yekîneyên niştecihbûnê ji bo bicihkirina 8 hezar û 800 çeteyan hebe.
Ev avahiyên mêtîngeriyê wê li ser rûpîvana nêzî 280 hezar metro çargoşe werin avakirin.
Li gorî çavkaniyan, dewleta Tirk a dagirker û komeleyên Qeterê ji sala 2019`an ve 13 hezar yekîneyên niştecihbûnê ava kirine.
Li Efrîna dagirkirî jî hindik maye ku rêxistinên girêdayî Tirkiyê, Qeter û Kiwêt projeya avahiyên mêtîngeriyê li gundê Şadêrê yê girêdayî navçeya Şêrewa, bi dawî bikin.
