Li gelek parêzgehên Herêma Behra Reş ku di bin bandora barana zêde de bû lehî rabû. Li Kastamonu, Sinop û Bartinê bi giştî 44 kesan jiyana xwe ji dest dan.
Serokatiya Rêveberiya Rewşa Lezgîn û Afetê (AFAD) têkildarî jimara kesên ji ber lehiya li herêmên rojavayê Derya Reş agahiyên nû parve kir.
AFAD’ê diyar kir ku li Kastamonu 36, Sînop 7 û Bartin jî kesekê jiyana xwe ji dest daye.
AFAD’ê da zanîn ku hemû sazî bi piştgiriya personel û wesayîtan xebatên xwe yên veguhestin, lêgerîn û xilaskirinê didomînin.
Her wiha hat ragihandin ku nêzî 2 hezar mexdûrên karesata li Bartın, Kastamonu û Sinopê ber bi herêmên ewle ve hatin veguhastin.
Li Orduyê jî paqijiya piştî lehiyê despê kiriye.