Endamê Yekîtiya Êzîdiyên Sûriyê Mehmûd Reşo êrîşa li dijî Şengalê şermezar kir û wek binpêkirina serdestiya Iraqê bi nav kir.
Mehmûd Reşo got:
“Ev ne cara yekemîn e ku dewleta Tirk a dagirker êrîşî Şengalê dike.
Tirkiyê hemwextî salvegera şehadeta Mam Zekî Şengalî di 15’ê Tebaxê de û salvegera komkujiya Koço de êrîş kir.”
Reşo da zanîn ku ev êriş di dema serdana serokwezîrê Iraqê Mistefa Kazimî de pêk hat ku dixwest rewşa herêmê bişopîne û ev tişt anî ziman:
“Dewleta Tirk ji vê êrîşê armanc dike ku şêniyên Şengalê venegerin warên xwe, ewlehî û aramiya li herêmê têk bibe.
Şêniyên Şengalê li gorî zagonên navneteweyî xwe bi xwe bi rê ve dibin.
Ev êrîş li dijî zagonan e û li dijî serdestiya Iraq û hikumeta navendî ye.
Endamê Yekîtiya Êzîdiyên Sûriyê Mehmûd Reşo bang li rêxistinên mirovî yên cîhanî û Neteweyên Yekbûyî kir ku van sûc û kiryarên dewleta Tirk a faşîst rawestînin.