Wezareta Derve ya Amerîkayê got ku hemû aliyên peywendîdar lihevker in ku balafirgehek hebe, çalak û bi rêk û pêk bixebite.
Berdevkê Wezaretê Ned Price da xuyakirin ku di navbera Waşington, Talîban û hevbendan de lihevkirinek heye ku balafirgehek li Efxanistanê hebe û bi rêk û pêk kar bike.
Wezîrê Derve yê Brîtanyayê Dominic Raab da zanîn ew ê hewl bidin krîza rûdayî çareser bikin.
Raab dibêje:
“Divê civaka navdewletî ji bo çareserkirina aloziya li Efxanistanê bigihêjin lihevkirinekê”.
Ukrayna: Balafira me tevî grûpekê hate revandin
Li aliyekî din, Wezareta Derve ya Ukraynayê ragihand ku balafira wan a ji bo derxistina Ukrayniyan gihaştibû Kabulê, hate revandin.
Wezaretê da zanîn ku hin kesên nenas balafir tevî grûpekê, revandiye Îranê.
Dibe îro Koma Heft Welatan “G7” bicive û li ser man û nemana hêzên navdewletî li Efxanistnê bo domandina rêkarên derxistinê nîqaş bike.