Hêzên Asayîşa Bakur û Rojhilatê Sûrî ragihand ku li kampa Holê, 2 zarokên jêrî 5 salî ji aliyê kesên cilên leşkerî ku weke hêzên wan li xwe kirine hatin revandin.
Tevgera şaneyên veşartî li Kampa Holê zêde bûye.
Hêzên Asayîşa Bakur û Rojhilatê Sûrî bi daxuyaniyekê ragihand ku 2 zarok ji aliyê şaneyên veşartî ve hatine revandin.
Di daxuyaniyê de hate diyarkirin ku şaneyên veşartî di kiryar û sûcên xwe de cilên leşkerî yên hêzên wan li xwe dikin û wiha domad:
Şaneyên veşartî yên li kampê, li ser dîzî, xapandina bi bihaneya ku bi hêzên me girêdayî ne, têkbirina aramî û belavkirina tevliheviyê dixebitin.
Ji bilî revandina zarokên kampê.
Herî dawî şaneyan, 2 keçên ku navên wan:
Ruqeya Mihemed Mihemed 4 salî , Semer Mihemed Mihemed 3 salî revandin.
Ev zarok sêwî ne, bê dê û bav in.
Hêzên Asayêşê herî dawî teqez kir ku ew liv û tevgera van şaneyan dişopîne û dê di zûtirîn dem de wan bigre û radestî edaletê bike.
