Efrîn..Çeteyan 4 welatî ji gundê Hêkicê yê bi ser navçeya Cindirêsê revandin

Li Efrîna dagirkirî sûc û hovîtiya dewleta Tirk a dagirker û çeteyên wê bê navber didomin
Çeteyan 4 welatî ji gundê Hêkicê yê bi ser Navçeya Cindirêsê û 2 welatî ji gundê Birîmcê yê bi ser Navçeya Mabata revandin.

Li Efrîna dagirkirî, êriş, kuştin, revandin, talan û desteserkirina mal û milkên welatiyan her diçe zêde dibe.

Tora Çalakvanên Efrînê ragihand ku di 18’ê tebaxê de, çeteyên bi navê Polîsa Leşkerî 4 welatî ji gundê Hêkicê yê Navçeya Cindirêsê revandin.

Navên kesên hatine revandin ev in;

-Şêrhat Zeîm Hiso yê 23 salî

– Murad Qazqalî Ebdo yê 22 salî

– Elî Yûsiv Feqîr yê 33 salî

– Ebdo Henan Tane yê 24 salî

Hat diyar kirin li hemberî berdana wan çeteyan ji bo her yekî 5 hezar lîreyê Tirk ji wan xwestin.

Çeteyan 2 welatî ji gundê Birîmcê yê bi ser navçeya Mabata revandin

Hat diyar kirin 23’ê Tebaxê çeteyan bi ser gundê Birîmce yê Navçeya Mabata de girtin bi dehan welatiyên gund revandin û heta niha jî çarenûsa wan ne diyar e.

Ji nav kesên ku hatine revandin navên Mihemed Mistefa û Selah Elî Ekaş hat naskirin.

Aloziya di nava çeteyan de mezin dibe û amadekariyên şer têne kirin

Li aliyê din, di nava komên çete de tevlihevî û amadekariyên şer têne kirin.

Hat gotin piştî ku çeteyên El Emşat, Firqet El-Hemzat û Lîwaa Siqûr El-Şemal xwe ji odeya bi navê Odeya Azim vekişandin û red kirin vegerin nava vê komê, amadekariyên şer di nava komên çete de têne kirin.

Çeteyên Cebhet El-Şamiye hêzên xwe belav kir û dergehên navenda bajarê Efrînê girtin û cihên çeteyên Firqet Elhemzat dorpêç kir.

Ev amadekariyên şer jî tirs û xof di nava welatiyên ku li Efrînê de mane zêde kir.

Back to top button