Berî du rojan li bajarê Reqayê, Desteya Perwerde û Fêrkirinê ya Bakur û Rojhilatê Sûriyê kongreya xwe ya 1. li dar xistibû.
Duh sibehê, kongre bi standina gelek biryaran bi dawî bû.
Ji wan biryaran, yekkirina minhacan e li ser asta herêmê.
Kongreya 1. a Desteya Perwerde û Fêrkirinê ya Rêveberiya Xweser bi standin biryarine girîng bi dawî bû.
Desteyê biryar da ku minhacên perwerdeyê li ser asta herêmê bike yek.
Ji bo pêşxistina karînên rêveberî û sîstema rêveberiyê jî dê xebateke berfireh were destpêkirin.
Desteyê her wiha biryar da ku perwerdeya teknînî û pîşeyî were bipêşxistin.
Amadekirina “rênîşana mamoste” jî weke biryar hate standin.
Ji bo şagirt û tevaya malbatên herêmê, Desteya Perwerde û Fêrkirinê di kongreyê de biryar da ku televîzyoneke fêrkirin û perwedeyê veke.