Dewleta Tirk a dagirker û çeteyên xw êrişên xwe yên li ser bakur û rojhilatê Sûriyê dewam dikin. Dagirkeran careke din êriş birin ser gundên Minbic û Şêrawa ya navçeya Efrînê.
Beriya çend seatan artêşa Tirk a dagirker û çeteyên wê gundê Bênê û Aqîbe yên navçeya Şêrawa ya kantona Efrînê bi çekên giran topbaran kirin.
Heya niha tu agahî li ser ziyanan nehatiye bi dest xistin.
Hêzên dagirker êrişî gundên Minbic û Şêrawa ya Efrînê kirin
Berî niha jî Navenda Ragihandina Meclisa Leşkerî ya Minbicê ragihand bû ku dewleta Tirk a dagirker û çeteyên wê, bi dijwarî êrişî gundê Um Edesa yê Bakur-Rojavayê bajêr kiribûn.
Li gorî Navendê, êrîş ji baregeha Dewleta Tirk ya li gundê Yaşlî dihate kirin.
Navendê dest nîşan kir ku ji ber topbaranê zirarên mezin gîhiştîye malên sivîlan û nêzî 50 topên hewan û obîsan li gund ketin.