Mîhrîcana Ş. Stêrvan ya Sêyemîn a Yekitiya Jinên Ciwan di roja duyemîn de li Şehbayê bi dawî bû.
Roja duyemîn ya mîhrîcanê de gelek lîstikên mîna fûtbol, voleybol, bîg bang, bezandin, desmal û lîstika ben hatin lîstin.
Di lîstikgehê de tîma Kampa Serdem, Til qirah, Til Rifat cih girtin.
Endama Komîteya amadekar a Mîhrîcana Ş. Stêrvan Dunya Bekir axivî û got:
“Ji bo têkbirina şerê taybet û yê bi armanca qirkirina çanda gelan, pêwîstiya civakê bi mîhrîcanên wisa heye. Ev gaveke pir mezin e ji bo jinên ciwan, ji bo wê parastina çand û hebûna xwe erkeke li ser milê hemu jinan e.”
Endama Yekitiya Jinên Ciwan a herêma Efrînê Şîraz Mistafa jî got:
“Ev mîhrîcan bi coş û kêfxweşî derbas bû. Ev şerê taybet li ser jinên ciwan û tevahî jinan dê negihîje armanca xwe. Em weke jin û Kurd hebûna xwe bi têkoşîna xwe diparêzin. Banga min ji hemû jinên ciwan re heye ku xwedî li çanda xwe derkevin.”
