Li bajarên Stenbol û Izmîrê yên Tirkihyê polîsan êriş birin ser xwendekarên ku çalakiyan li dar dixin û zêdeyî 100 kes hatin binçavkirin.
Xwendekarên ku cihekî nabînin xwe lê bisitirînin, bi rê û rêbazên cuda hewl didin dengê xwe bidin bihîstin û li gelek bajaran çalakiyan li dar dixin.
Li Stenbolê xwendekaran di çalakiyên xwe de nerazîbûn nîşanî buhabûna kirê û wargehan dan.
Xwendekaran xwestin çalakiya xwe ya li Parka Modayê di roja heştemîn de bidomînin, lê belê polîsan êriş birin ser wan.
Halkevlerî li ser tevna dîjîtal daxuyaniyek da û diyar kir ku 50 xwendekarên zanîngehê hatine binçavkirin û got:
“Stirandin mafekî bingehîn e, yên hatine binçavkirin bila tavilê bêne berdan.”
Her wiha li navçeya Bûcayê ya Izmîrê jî polîsan êriş birin ser çalakiya xwendekaran ya li Parka Hasan Aga û nêzî 50 xwendekar bi lêdanê binçav kirin.
Duh êvarî li Dersimê jî 6 xwendekar ji Wargeha Xwendekarên Keç hatin derxistin.
