Berî çend se’etan Artêşa Tirk a dagirker dîsa rêya M4 topbaran kir. Di vê topbaranê de erebeyeke hêzên hikumeta Şamê hat armanckirin.
Ajansa nûçeyan ANHA’yê ragihand, artêşa Tirk a dagirker rêya M4 a li rojavayê Eyn Îsayê bi çekên giran topbaran kir.
Hat ragihandin di topbaranê de erebeyeke girêdayî hêzên hikumeta Şamê hat armanckirin û 4 ji awan birîndar bûn.
Li gorî agahiyan, leşkerên birîndar rakirin nexweşxaneyên Eyn Îsa û Reqayê û rewşa 2 ji wan giran e.
Tevî ku hêzên garantor li herêmê hene jî, êrîşên dewleta Tirk li ser herêmê rojane hene û ji ber bêdengiya van hêzan zêde dibin.
