Li Almaniya û Îngilistanê êrişên dewleta Tirk û bikaranîna çekên kîmyawî li dijî gerîlayên Başûrê Kurdistanê, hatin şermezarkirin. Kurdistaniyan bang li civaka navneteweyî kirin ku sînorekî ji êrişên dewleta Tirk re deynin.
Çalakî li bajarên Frankfûrt, Munîh, Hambûrg û Freîbûrg ên Elmanyayê, bi armanca şermezarkirina êrişên dewleta Tirk, pêk hatin.
Di çalakiyan de siloganên “dewleta Tirk li dijî Kurdistanê gaza jehrî bikar tîne”, “Erdohan terorîst e” bilind bûn.
Kurdên li Londonê yê ÎngIlîstanê jî bi heman armancê li ber Parlamentoyê civiyan û çalakî li dar xistin.
Çalakvanan bang li Rêxistinên navneteweyî kirin ku êrişên dewleta Tirk û bikaranîna çekên kîmyawî bisekinînin û dewleta Tirk û Erdogan darizîne.
