Xewn û xeyalên koçberiya berbi Ewropa ve, li Derya Spî careke din mirin bixwere anî.
Komîseriya Bilind a Penaberan a Neteweyên Yekbûyî (UNHCR) ragihand ku li peravên Libyayê 15 koçber di avê de xeniqî ne.
Komîseriyê li ser hesabê Twitterê ragihand, li peravên Lîbyayê 2 keştiyên penaberan noqî avê bûne û 15 koçber mirine.
UNCHR’ê diyar kir şeva yekşemê bûyer pêkhatiye, ji keştiyên ku gihaştine Trablûsê 177 kes sax mane û kesên ku xelas bûne jî pêwistiya wan bi alîkariya tenduristiyê heye.
UNHCR’ê daxuyakirin ku koçber ji bajarên Zwara û El Humsê yên peravên rojavayê Libyayê bi rê ketine.
Piraniya koçberên ji Sehraya Jêra Efrîkayê ji bo ku biçine Ewropayê di ser Libyayê re diçin.
Navbeyna Libya û Îtalya 300 km ye.
Ji sersalê û wir ve hijmara kesên ku xwestin derbasî Ewropayê bibin û mirine, li gorî eynî dema sala 2020’an du caran lê zêdetir e.
Rêxistina Koçberan a Navnetewî îlonê aşkere kiribû ku ji serê sala 2021’an û wir ve 1369 koçber li DeryayaSpî xeniqî ne.
