Di encama êrişa hêzên hikumeta Şamê ya li ser bajarê Sermedayê de 3 kes hatin kuştin û 15 jî birîndar bûn.
Li çolistana Sûriyê jî di encama êrişên hewayî yên balafirên şer ên Rusyayê û şerê di navbera hêzên hikumeta Şamê û DAIŞ’ê de, 14 çete hatin kuştin.
Çavdêriya Mafên Mirovan a Sûriyê ragihand ku hêzên hikumeta Şamê bi moşekan êrişî bajarokê Sermeda a li ser sînorê Lîwa’i Iskenderonê kirin.
Hat diyarkirin di topbaranê de “Beşê Polîs” yê li Sermeda, avahiya nifusê û kampek li rojhilatê bajar bûn armanc.
Di encamê de di nav de çeteyên bi navê “Polîsên Sivîl” 3 kes hatin kuştin û 15 kes birîndar bûn.
Hat gotin di nav de sivîl jî hene.
Di 48 seatên dawî de li çolistana Sûriyê 14 çeteyên DAIŞ’ê hatin kuştin.
Çavdêriya Mafên Mirovan a Sûriyê ragihand ku balafirên şer ên Rusyayê di 48 saetan dawî de li dijî nuqatên DAIŞ’ê yên li çola Resafê ya başûrê Reqayê û li çiyayê Beşerî yê li çolistana Sûriyê nêzî 55 êrişên hewayî pêk anîne.
Hat gotin di encama bombebarana balafirên Rusyayê û şerê di navbera hêzên hikumeta Şamê û çeteyên DAIŞ’ê de 14 çete hatin kuştin.
