SALIH MUSLIM: DIXWAZIN PÊŞÎ LI VEGERA EFRÎNÊ Û GELÊ EFRÎNÊ BIGRIN

Dewleta Tirk a dagirker bi dagirkirina xwe ya Efrînê re demografiya wê digûhere û bi danîna dîwaran perçekirinê pêk tîne.
Berdevkê PYD’ê Salih Muslim diyar kir ku Tirkiyê lêkirina dîwar dixwaze pêşî li vegera Efrîniyan bigre û got:
“Bêdengiya rejîma Sûriyê ya li dijî kirinên dewleta Tirk, gelek fikarên li hevkirina Tirkiyê û rejîma Sûriyê, çêdike.”

Berdevkê Partiya Yekitiya Demokratîk (PYD) Salih Muslim têkildarî kirinên dewleta Tirk a dagirker ên li Efrînê ji ajansa Hawar’ê re axivî.

Salih Muslim diyar kir ku li Efrînê danîna dîwaran yek ji planên dagirkirinê ye û got:

Bi danîna dîwaran perçekirina herêmê ne qanûnî ye û li dijî zagonên navnetewî ne.

Dewleta Tirk a dagirker bi van kirinan dixwaze sînorên xwe fireh bike û împaratoriya Osmanî vegerîne.

Ev jî gavek ji wan planên wanin ku dixwazin pêşî li vegera Efrînê û gelê Efrînê bigrin.

Hedef wan ne tenê Efrîn e, Bakur û Rojhilatê Sûriyê ye.

SALIH MUSLIM:
RÛSYA Û ÎRAN TAWÎZAN DIDIN TIRKIYÊ

Muslim balkişand li ser bêdengiya dewletên navnetewî li dijî kirinên dewleta Tirk û ev tişt anî ziman;

“Ev bêndengî jî li ser bingehê polîtîkayên wan yên berjewendiyan pêk tên.

Rûsya û Îran di danîna dîwaran û kirinên Tirkiyê de gelek tawîz didin.

Dixwazin bi wan tawîzan Tirkiyê bi aliyê xwe de bikişînin.

Rûsya di polîtîkayên xwe de pragmatik tev digere û Tirkiye kiriye bin bandoriya xwe , ev jî rê ji kirinên tirkiyê re vedike.

SALIH MUSLIM:
HEDEFA ME VEGERANDINA EFRÎNÊ JI DAGIRKERANE

Berdevkê PYD’ê Salih Muslim destnîşan kir ku ew dîwarên ku tên danîn wê werin rakirin û di her aliyan de ji bo vegerandina Efrînê amadekarî hene.

Leave a Reply

Back to top button