Konseya Rêveber a Kongreya Neteweyî ya Kurdistanê bi wesîleya 1’ê Gulanê Cejna Karker û Kedkaran peyamek weşand.
KNK’ê di peyama xwe de wiha got:
Karker û kedkaran bi têkoşîna xwe, bi xwuhdana eniya xwe, bi keda xwe ya helal, 1’ê Gulanê kirine cejna xwe.
Em vê Cejna 1’ê Gulanê li karker û kedkarên Kurdistanê û hemû cîhanê pîroz dikin.
Her wiha 1’ê Gulanê di heman demê de cejna Xelkê Kurd û hemû Kurdistanê ye.
Rejimên zalim û zordar herdaîm pîrozkirina vê cejnê qedexe kirine.
Lê ne karkeran, ne kedkaran, ne jî xelkê serê xwe li ber van zulmên serdestan şor nekiriye û têkoşîn û berxwedana xwe domandin e.
Xelkê Kurd ji kevin were, ev cejna kar û kedê wekî cejna xwe qebûl kiriye û bi dilgermî, coş û heyecaneke mezin pîroz kiriye.
Kurd û Kurdistanî di 1’ê Gulana îsal de jî bi wî ruhê têkoşêr û berxwedêr yê salan divê vê Cejna Karker û Kedkarên Cîhanê pîroz bikin.