“PKK gel e, gel nayê qedexekirin…” Bi vê dirûşmê piştgiriya kampanyaya ku ji bo derxistina PKK’ê ya ji aliyê Meclîsa Medya Dîjîtal a Kurdistanê ve hate destpêkirin zêde dibe. Di vê çarçoveyê de siyasetmedarê Kurd Mihemed Emîn Pêncwênî, Nivîskar û çalakvan Selam Abdullah û Mamoste û hunermendên Êzidî yên Şengalê jî desteka xwe ya ji bo kampanyayê ragihandin.
Bi armanca derxistina PKK’ê ji ‘Lîsteya Terorê’, Meclîsa Medya Dîjîtal a Kurdistanê li ser torên medyaya sanal kampanyayek mezin dan destpêkirin.
Di çarçoveya kampanyayê de gelek siyasetmedar, nîvaskar, rewşenbîr, rayedar, û kesên bi nav û deng yên Kurd, enternasyonalîst tevlî kampanyayê bûn.
Piştgiriya kampanyayê dewam dike û gelek sazî, rêxistin û kesayetên siyasî yên ji Başûrê Kurdistanê jî tevlî kampanyayê dibin.
Siyasetmedarê Kurd Mihemed Emîn Pêncêwênî jî tevlî kampanyayê bû û peyamek bi dîmen belavkir.
Pêncewênî di peyama xwe de dibêje, “Xistina PKK’ê ya nava lîsta terorê ne yasayî û ne miroviye. PKK parastina mafên Kurdan dike.”
Pêncwênî daxwaz ji dadgeha mafê mirov a ewropayhê kir ku navê PKK’ê ji lîsta terorê were derxistin.
Herwiha pêncwînî di dawîya peyama xwe de bal kişand ser tecrîda giran ya li dijî Rêber Apo û daxwaz ji Komîteya Pêşî Lêgirtina Êşkenceyê ya Konseya Ewropayê CPT kir ku rê bi malbat û parêzerên wî were dayîn da ku li gel hevdîtin were kirin.
MAmoste û hunermendên Şengalê: Biryara li ser PKK’ê rûreşiya cîhanê ye
Li aliyê din civaka Êzidî jî piştgiriyê da kampanyayê.
Mamoste û hunermendên Êzidî yên Şengalê diyar kirin PKK xwedî li civakên bindest derdikeve û biryara li ser PKK’ê rûreşiya cîhanê ye.
Berdevkê Saziya Ziman û Perwerdehiya Civaka Demokratîk a Êzdiyan Mamosta Nayîf Şengalî anî ziman ku ew wek mamosteyên Şengalê destek didin vê kampanyayê û got:
“Di komkujiya 3’yê Tebaxa 2014’an de ji bilî PKK’ê kes nehat hawara me ve. Yên ku li mirovahiyê xwedî derketin ew bûn. “