Eger li ser asta cîhanî civînek binavê “Demokrasî” were lidarxistin û serokê welatekî beşdar nebe, ev tê wateya ku ew serok li dijî demokrasiyê ye.. Civîna Bilind a Demokrasiyê pêk tê û di nava serokên ku nehatine vexwendin de, Erdogan heye.
Meha bê serokê Amerîkayê Joe Biden “Civîna Bilind a Demokrasiyê” bi rêve dibe.
Civîna navbera 9 û 10’ê Kanûnê bi rêya vîdeo-konferansê û bi tevlîbûna 110 serokên cîhanî wê were lidarxistin.
Wezareta Karê Derve a Amerîkayê lîsteya fermî ya vexwendina civînê bi parve kir.
Tirkiye û weke ku dihat payîn, cihê xwe di vê lîstewyê de nagire.
Beriya niha jî ji ber binpêkirina mafan û siyasetên dij-demokratîk, aliyên pêwendîdar eşkere kiribûn ku ew ê serokê Tirk Erdogan ji bo civînê neyê vexwendin.
“Civîna Bilind a Demokrasiyê” wê bi van mijaran pêk were;
Parastina li dijî rêjîmên desthilatdar.
Têkoşîna li dijî karên nelirê.
Û Rêzgirtina mafê mirovan.
