Duh Heyva Sor a Kurd Kongreya xwe ya salane ya duyemîn li Bajarê Qamişlo li dar xist.
Kongir bi sernavê “Alîkariya bêsînor”, bi beşdarbûna Endamên Heyva sor , Rêxistinên tenduristî li Hola Zanîngeha Rojava li Qamişlo hat li darxistin .
Di Kongirê de xebatên du salan hat nîqaşkirin û hat gotin Heyva Sor a Kurd tevî kêmderfetiyan jî yek ji rêxistinên alîkariya mirovahî yên herî serkeftî ye.
Her wiha di kongreyê de derbarê xebatên Heyva Sor a kurd yên du salan de ev agahî hate parvekirin.
“10 xalên tenduristiyê li kampê Şehba û Hesekê û 11 navendên tenduristî li bajarên Bakûr û Rojhilatê Sûrî hatin vekirin.
3 navendên beşê lezgîn li Heseke, Dêrik û Şehbayê û 4 nexweşxaneyên taybet hatin avakirin.
Nexweşxaneya Şehîd Lêgerîn li bajarê Til temirê, nexweşxaneya Hol a Kampa Holê, Nexweşxaneya covîd 19 li Heseke û Şehba hatin vekirin.”
