Îro Konferansa 7. a Mezopotamya ya Çand û Hunera Demokratîk li Rimêlan bi slogana “Dem dema avakirina çanda neteweya demokratîk e” dest pê kir.
Tevgera Mezopotamya ya Çand û Hunera Demokratîk a Konferansa xwe ya 7. li Navenda Aram Tîgran a Çand û Hunerê bi beşdarbûna 200 delegeyan li dar dixe.
Di konferansê de Endamê komîteya amadekar Xelîl Tehlo axivî û got di konferansê de wê rapora xebatê û rêzikname werin xwendin û hevserokatî û meclisa tevgerê werin hilbijartin.
Konferansa 6. a Tevgerê Hezîrana 2019`an hatibû lidarxistin û navê Tevgera Çand û Hunera Demokratîk kiribûn Tevgera Mezopotamya ya Çand û Hunera Demokratîk.
Konferans wê 2 rojan dewam bike.
