Konferansa 7. a Tevgera Mezopotamya ya Çand û Hunerê hate lidarxistin

Tevgera Mezopotamya ya Çand û Hunera Demokratîk bi dirûşma “Dem dema avakirina çanda neteweya demokratîk e”, Konferansa xwe ya heftemîn bi beşdariya 200 delegeyan li bajarê Rimêlan li dar xist.

Tevgera Mezopotamya ya Çand û Hunera Demokratîk bi dirûşma “Dem dema avakirina çanda neteweya demokratîk e”, Konferansa xwe ya heftemîn li dar xist.

Konferans bi beşdariya 200 delegeyan li Navenda Aram Tîgran a Çand û Hunerê ya bajarokê Rimêlanê hate lidarxistin.

Endamên deste û saziyên Rêveberiya Xweser a Bakur û Rojhilatê Sûriyê, şandeyeke QSD`ê, her wiha gaziyên şer beşdarî konferansê bûne.

Piştî hilbijartina dîwanê, endamê rêveber ê Komîteya Amadekar a Konferansê Xelîl Tehlo axivî.

Xelîl Tehlo anî ziman, herêmên Bakur û Rojhilatê Sûriyê dê xwedî li çand û şaristaniya xwe derkevin û rastiya çanda hevbeş a herêmê derxînin holê.

Endama rêveber a Desteya Çand û Hunerê ya Bakur û Rojhilatê Sûriyê Ronahî Hesen jî axivî û bal kişand ser pêwîstiya parastina çanda herêmê

Her wiha endama Desteya Çand û Hunerê ya herêma Cizîrê Mariya Aho axivî û got, divê hemû xebatên çandî di xizmeta azadiyê de bin.

Kesên beşdarî konferansê bûn nerînên xwe anîn ziman:

Piştî axaftinan, konferansê li pêşiya dezgehên çapemeniyê girtî dewam kir û rapora xebatên tevgerê û rêziknameya wê hatin xwendin û nîqaşkirin.

Back to top button