Li Lîbyayê eger rewşeke aloz û awarte peyda nebe, plan ew e ku 24 vê mehê hilbijartinên giştî pêk werin..
Lê pêşbaziya di navbera namzetan de nîşan dide ku wê ev hilbijartin bi hêsanî pêk neyîn.
Piştî Seyfûlîsmal Qedaf û Debîbe, astengiyên li pêşiya namzetiya Xelîfe Hafter jî rabûn.
Piştî şerê navxweyî yê 10 salên derbasbûyî, cara pêşî wê li Lîbyayê hilbijartinên serokatiyê û parlementoyê pêk werin.
Ji 73 namzetên serokatiyê, herî zêde navê 3 kesan derdikev e pêş.
Ew jî ev in:
Kurê lîderê berê yê Lîbyayê Mumamer Qedafî, Seyfûlîslam.
Serokwezîrê Hukûmeta Netewî Abdulhemîd Debîbe.
Û fermandarê artêşa Lîbyayê Xalîfe Hafter.
Piştî serlêdanan ji bo namzetiya hersê kesan jî daxwaza betalkirinê hatibû kirin.
Destpêkê astengiyên li pêşiya Seyfûlîslam û Debîbe ji holê hatin rakirin.
Herî dawî jî dadgeha bajarê Zawiyê serlêdana ji bo betalkirina namzetiya Hafter qebûl kirin.
Li gorî nûçeya televizyona El Ahrar a Lîbyayê, Dadgeha Temyîz a Terablûsê, biryara xwe a têkildarî mijarê eşkere kir..
Dadgehê daxwaza betalkirinê red kir û bi vî awayî astengiyên li pêşiya nametiya Hafter ji holê hatin rakirin.
Niha herkes li benda helwesta Komîsyona Bilind a Hilbijartinê ye.
Lewma piştî ku komîsyonê lîsteya dawî eşkere bike, wê navê namzetan jî were zelalkirin.