10’ê Kanûnê Roja Azadî ji Abdullah Ocalan re ya Cîhanê ye.
Ji bo vê rojê Dîwana Hevserokatiya KONGRA-GEL bang li gel kir ku tevlî çalakiyên di 11’ê Kanûnê de bibin.
10’ê Kanûnê Roja Azadî ji Abdullah Ocalan re ya Cîhanê ye.
Dîwana Hevserokatiya KONGRA-GEL daxuyaniyeke nivîskî weşand û bang li gelê Kurd û dostên wan kir ku li her deverê tevlî çalakiyên di 11’ê Kanûnê bibin.
Kongra Gel diyar kir hêzên navnetewî berpirsyarên tecrîda li ser Rêber Apo ne û wiha got,
Di rapora CPT’ê de hatiye diyarkirin ku pergala Îmraliyê ne li gorî Peymannameya Konseya Ewropa û mafên mirovan ên navneteweyî ye.
Lê heta niha hikûmeta Tirk tu gav neavêtiye û şertên tecrîda giran û zextan ên li Îmraliyê li hemû girtîgehên Kurdistan û Tirkiyê zêdetir kiriye.
Li gel ku li Îmraliyê û zindanên din binpêkirinên giran ên mafên mirovan hene, Komîteya Wezîran a Konseya Ewropayê toleransa xwe ya li hemberî Tirkiyê hê jî didomîne.”
Kongra Gel da zanîn azadiya Rêber Apo tê wateya çareserkirina pirsgirêkan û tê wateya ku wê li Kurdistan, Tirkiyê û Rojhilata Navîn aştî û demokrasî pêk were.
Kongra Gel bal kişande li ser ku Înîsiyatifa Azadî Ji Abdullah Ocalan re 10’ê Kanûnê Roja Azadî Ji Abdullah Ocalan a Cîhanê îlan kiriye û wiha got,
“Ji ber vê jî 10’ê Kanûnê firsendeke mezin e. Divê bi awayekî xurt em tevlî van çalakiyan bibin û azadiya Rêber Apo têxin rojeva raya giştî.
Çalakiyên girseyî wê di 11’ê Kanûnê de roja Şemiyê were kirin. Divê gelê me û dostên me tevlî van çalakiyan bibin ên ku wê li her dera cîhanê werin lidarxistin.”