69 rojin, li ber deriyê Sêmalka çalakiya malbatên şehîdan a ji bo wergirtina cenazeyên gerîla dewam dike.
Komîteya Çand û Hunerê ya herêma Cizîrê ku îro tevlî çalakiyê bûn bang li PDK`ê kir ku hevkariya bi dijmin re bi dawî bike.
Endamên Komîteya Çand û Hunerê ya herêma Cizîrê ku îro serdana konê çalakiyê kirin êrişên PDK’ê yên li dijî gerîla şermezarkirin.
Li ser navê komîteyê Keder Hisên axivî û got:
“Hevkariya PDK ya bi dewleta Tirk re tu xizmetê ji Kurdiyetiyê re nake.
Êrişên PDK’ê nayên qebûlkirin.”
Bang li PDK’ê hat kirin ku hevkariya bi dewleta Tirk a dagirker re bi dawî bike.