Yek ji welatên ku sala 2021’an jî ji bo wan baş derbas nebûyî, Yemen bû. Komseriya Bilind a Koçberan a NY ragihand ku ji ber şerê dijwar yê li welat di sala 2021’an de, 150 hezar kes ji cih û warê xwe koçber bûne.
Komseriyê têkildarî mijarê li ser hesabê xwe yê Twitterê peyamek weşand û got:
Koçberiya ji ber şer û pevçûnên li Yemenê dewam dike.
Komseriyê diyar kir ku di nava sala 2021’an de nêzî 150 hezar Yemenî ku piraniya wan ji Marib, Taîz û Hudeydayê neçar mane koçber bibin.
Hikûmeta qanûnî ya Yemenê duh ragihandibû ku hejmara kesên ji despêka şer û heta niha ji cih û warê xwe koçber bûne gihiştiye 4 milyon û 100 hezarî.
Husiyên Yemenê yên ku Îran piştgirîya wan dike, ji Îlona 2014’an ve paytext Sana û hin herêm din kontrol kiriye.
Hêzên koalîsyona bi pêşengiya Erebîstana Siûdî jî ji Adara 2015’an ve li dijî Hûsiyan piştgiriya hikûmeta Yemenê dike.
Di şerê ku 7 salin li welat dewam dike de, bêtirî 233 hezar kesî jiyana xwe ji dest dan.
Krîza mirovî ya ji ber şerê navxweyî li Yemena ku di nav welatên herî feqîr ê cîhanê de ye, gihîştiye asta metirsîdar.
Li gorî Neteweyên Yekbûyî, li welat ji sedî 80’ê nifûsa wê ya ku giştî 30 milyone pêwistiya xwe ya bi alîkariyê heye.