Endama Rêveberiya Rêxistina Mafê Mirovan a Herêma Cizîrê Evîn Cûma li ser rewşa girtiyên li girtîgehên Tikriyê nirxandin kir. Evîn Cuma dibêje “Girtî ji ber êşkenceyê şehîd dikevin. Dewleta Tirk bi van zextan sûcan dike. ” Her wiha bang li Meclisa Ewlehiyê ya NY’yê kir ku van sûcan rawestînin.”
Ji bo rawestandina zextên li dijî girtiyên li Tirkiyê û serbestberdana wan, bang bilind dibin.
Endama Rêveberiya Rêxistina Mafê Mirovan a Herêma Cizîrê Evîn Cûma li ser van sûcên li dijî girtiyan ji ANHA’yê re nirxandin kir.
Evîn Cûma diyar kir ku îşkence û destdirêjî li girtîgehên Tirkiyê pir zêde bûye û piştrast kir ku dewleta Tirk berpirsê jiyana girtiyan e.
Her wiha got: “Dewleta Tirk bi îşkencekirina girtiyan sûcan dike û divê hesab jê were xwestin.”
Têkildarî mirina bi guman a girtiyan jî Evîn Cuma anî ziman: ”Dermankirina girtiyan mafekî wan e. Lê ev yek pêk nayê û mafê wan tê binpêkirin.
Endama Rêveberiya Rêxistina Mafê Mirovan a Herêma Cizîrê bal kişand li ser rewşa giştî ya li Tirkiyê, bi taybet di aliyê mafê mirovan de û ev got:
“Dewleta Tirk li hember gel û girtiyan heman sûcan dike.
Edalet li cem dewleta Tirk tune ye.
Kesên ku bixwazin parastinê jî bikin, her dem di bin zextan de ne.
Parêzerên girtiyan her dem rastî gef û girtinê tên û nikarin bi awayekî azad tevbegirin.”
Dawiya nirxandina xwe Evîn Cûma bang li Meclisa Ewlehiyê ya NY’yê kir ku rê li pêşiya binpêkirinên dewleta Tirk ên li dijî girtiyan bigire.
