Birîndareke din a êrişa 25’ê Kanûnê ya li dijî Kobanê şehîd bû. Bi vî awayî Hijmara şehîdên êrişa dewleta Tirk a dagirker gîhişt e 6’an.
Endamê Tevgera Ciwanên Şoreşger a Sûrîyê Mesûd Îbrahîm ku di êrişa Dewleta Tirk a dagirker ya 25’ê Kanûnê a li dijî Kobane de birîndar bûbû, şehîd bû.
Di êrişa Dewleta dagirker de maleke sivîlan hatibû hedef girtin û di encama êrişê de 5 endamên tevgera ciwanan şehîd û 4 jî birîndar bibûn.
Endamê Tevgerê Mesûd Îbrahîm jî di êrişê de birîndar bibû û li nexeşxaneya Minbicê dihat dermankirin.
Tevî hemû hewildanan jî Mesûd Îbrahîm di bi şev gîhişt şahadetê.
Bi vê yekê re hijmara şehîdên êrişê gîhaşte 6’an.
Tê payîn ku cenazeyê Şehîd Mesûd Îbrahîm sibê li goristana Şehîd Dîcle a li Kobanê were veşartin.
Nasnameya şehîd wiha ye:
Şehîd Mesûd Îbrahîm di sala 1992’an de li gundê Ziravikê yê Başûrê Kobanê ji dayîk bûye.
