Çalakiya malbatên şehîdan a li Sêmalka îro dikeve roja 94’an.
Malbat bi vê çalakiyê tenê daxwaza cenazeyên zarokên xwe yên şehîd dikin.
Çalakiya li Sêmalka 3 meh li pey xwe hiştin û niha di meha 4’an de ye.
Tevî evqas dema dirêj jî, qet ji aliyê Başûrê Kurdistanê têkildarî van şehîdan deng derneketiye.
Weke ku ev malbat ne li wir bin û ev çalakî ne lidar be, tevdigerin.
Ev yek jî biryar û israra wan malbatan a domandina çalakiyê zêdetir dike.
Malbat piştrast dikin ew ji armanc û daxwaza xwe ya ji vê çalakiyê venagerin.
Û bi biryar in zarokên xwe yên şehîd werbigirin.
Li şûna ku ji roja destpêkê ya şehîdxistina zarokên van malbatan, cenaze hatiban radestkirin, meh derbas bûn û hîna nedane.
Ne tenê ev, li ser van şehîdan ti agahî û bersivê jî nadin malbatên wan.
Tevî bedengiya wan, deriyê ku ev çalakî jî li wir e girt.