Êrişên dewleta Tirk a dagirker û çeteyên wê jî dewam dikin. Balafirek bê mirov a dewleta Tirk wesayîteke Meclisa Til Temirê a leşkerî ku berê wê li Hesekê bû, bombebaran kir. Her wiha dagirkeran bi çekên giran êrişî navçeyên Şera, Şêrawa û Şehbayê jî kir.
Dewleta Tirk a dagirker û çeteyên xwe îro jî hemwextî êrişên çeteyên DAIŞ’ê yên li Hesekê êrişî herêmê kirin.
Balafireke bêmirov a bi çek a dewleta Tirk a dagirker erebeya Meclisa Leşkerî ya Til Temirê bomebebaran kir ku ji bo piştgiriya Hêzên Ewlekariya Hundirîn û QSD’ê li dijî şandeyên DAIŞ’ê diçû Hesekê.
Dewleta dagirker çeteyên xwe jî li ser sînorê navçeya Til Temirê zêde dike.
Dagirkeran gundên Şera, Şêrawa û Şehbayê topbaran kir
Artêşa Tirk a dagirker û çeteyên xwe gundên Meyasê û Soxankê yên navçeya Şêrawa bi fûzeyên TOW kirin hedef.
Hate ragihandin ku di encamê de 2 leşkerên hêzên hikumeta Şamê li gundê Meyasê birîndar bûn.
Her wiha duh jî artêşa Tirk a dagirker û çeteyên xwe gundên herêma Şehbayê jî topbarankirin.
Di heman demê de dagirkeran gundên Eyn Deqnê, Terîf, Kefer Naya û derdora bajarokê Til Rifetê yên Şehbayê bi hawan û obusan topbaran kirin.
Dagirkeran, gundên Malikiyê, Şiwarxa, Meranaz, Kefer Antû, Îrşadiyê û Tinibê yên navçeya Şerayê bi obusan topbaran kirin.
