Li parêzgeha Enbarê ya Iraqê 3 mûşek ketin xwarê. Di encamê de 2 sivîl birîndar bûn.
Tê gotin ku mûşek avêtine mala Serokê Parlamentoya Iraqê.
Li gorî çavkaniyên ewlehiyê, 3 mûşek li herêma Kirme ya parêzgeha Enbarê ketin xwarê.
Tê gotin yek li geraca şaredariyê û yek ji li herêma Reşad li pişt malekê ketiye.
Mûşekek neteqaye.
Li gorî agahiyan, di encamê de 2 welatî birîndar bûne.
Li gorî medya Iraqê, bi van mûşekan mala Serokê Parlamentoya Iraqê Mihemed Helbûsî hedef hatiye girtin.
Yek ji birîndaran zaroke.
Birîndar ji bo dermankirinê rakirin nexweşxaneyê.