Hevseroka PYD’ê Eyşe Hiso bertek nîşanî êrişên dewleta Tirk a dagirker da û ji Koalîsyona Navneteweyî xwest ku helwesta xwe li hemberî dewleta Tirk û desteka wê ji çeteyên DAIŞ’ê re zelal bike. Eyşe Hiso diyar kir ku plana Daiş’ê û dewleta Tirk ya êrişa li ser herêmê têk çû.
Hemwextî têkbirina êrişên şaneyên çeteyên DAIŞ’ê yên li ser girtîgeha Sînaa ya Hesekê, artêşa Tirk a dagirker êrişên berfireh bi balafirên şer û bêmirov li ser Bakur û Rojhilatê Sûriyê, Şengal û Mexmûrê pêk anîn.
Têkildarî mijarê, Hevseroka PYD’ê Eyşe Hiso nirxandin kir.
Eyşe Hiso di destpêka axaftina xwe de şehîdên azadiyê bi bîr anîn û got:
Em bejna xwe li hember şehîdên azadiyê ditewînin, ew fedekarî dê di rûpelên dîrokî de werin nivîsandin ku lehengan cîhan ji teror û tundrawiyê rizgar kir.
Li ser xeteriya vegera DAIŞ’ê jî Eyşe Hiso diyar kir ku xeterî ne tenê li ser Bakur û Rojhilatê Sûriyê ye, lê belê dê li ser tevahî cîhanê be û wiha anî ziman:
Hemwextî ragihandina têkçûna DAIŞ’ê li Hesekê ji aliyê QSD û Hêzên Ewlekariya Hundirîn ve dewleta Tirk careke din li Mexmûr, Şengal, Bakur û Rojhilatê Sûriyê sûc kirin.
Hevseroka PYD’ê dibêje: Dewleta Tirk bi van sûcan dixwaze dîrokên biêş ên gelê Kurd di çarçoveya şerê derûnî ya derbekirina îstîqrara herêmên me de nûjen bike.
Eyşe Hiso: Li gel me belge hene ku destekdayîna dewleta Tirk ji DAIŞ’ê re îsbat dikin
Têkildarî helwesta Koalîsyona Navneteweyî ji van bûyeran Eyşe Hiso wiha anî ziman:
Em amade ne belgeyan bînin ku dewleta Tirk yekser li pey êrişên çeteyên DAIŞ’ê û çalakiyên wan in.
Gelo wê demê koalîsyon dikare helwesta xwe li hember dewleta Tirk nîşan bide? Em vê yekê nizanin.
Hevseroka PYD’ê Eyşe Hiso wiha dawî li gotina xwe anî:
Hemû pêkhateyan di tengiyê de hev girtin, li gorî berpirsyartiyê destek dan hêzên ku nûnertiya wan dikin.
Rizgrakirina herêmên dagirkirî di armancên wan hêzên ên sereke de ne.
