Şerê di navbera hêzên hikûmeta Şamê komên çete ên dewleta Tirk dewam dikin. Balafirên şên ên Rûs jî deverên DAIŞ’ê ên li çolistana Sûrî bombebaran kir.
Navenda Çavdêriya Mafên Mirovan a Sûriyê ragihand, Vê sibê hikûmeta Şamê bi çekên giran êrişî bakurê Idlibê kir.
Hat diyar kirin sûka sotemeniyê ya Şîrketa Weted a li bakurê bajêr bûn armanca êrişên hikûmetê.
Hat gotin di encama êrişan de 3 kes hatine kuştin û gelek kes birîndar bûn.
Hat ragihandin ji ber êrişê li herêmê şewateke mezin rû daye.
Di nava vê mehê de 17 kes hatine kuştin
Tevlhevî û bêewlehiya li herêmên di bin kontrola hikûmeta Şamê de her diçê zêdetir dibe..
Yek ji van deran jî Dera ye. Tenê ji destpêka vê mehê û heta niha 17 kes hatin e kuştin û 11 kes jî birîndar bûne.
Ji ber teqîna mayînan leşkerek û zarokekî jiyana xwe ji dest dan
Li Hemayê ji ber teqîna mayînekê a ji bermahiyê şer leşkerekî hikûmetê hate kuştin.
Li Humisê jî ji ber heman sedemê zarokekî jiyana xwe ji dest da..
