Hevserokê Dîwana Edaleta Civakî ya Tebqayê Ebdulhemîd El-Nehar diyar kir ku pêwîste dadgeheke navneteweyî ji bo darizandina çeteyên DAIŞ’ê li herêmê were avakirin, her wiha girîngiya naskirina Rêveberiya Xweser di qada navneteweyî de destnîşan kir.
Ebdulhemîd El-Nehar derbarê mijarê ji ajansa Hawarê re axivî.
Ebdulhemîd da zanîn ku divê Rêveberiya Xweser weke nûnerê gelên Bakur û Rojhilatê Sûriyê were naskirin û got:
“Divê rêveberiya Bakur û Rojhilatê Sûriyê fermî were naskirin.
Nûnertiyên wê mîna li Siwîsra û Danîmark li hemû dewletên cîhanê werin vekirin.
Ev yek bi awayekî çalak dê destekê bide pirsgirêka darizandina girtiyên DAIŞ`ê.”
El-Nehar destnîşan kir ku ku divê dadgehên navneteweyî were avakirin ku di bin çavdêriya hemû dewletan de be û ji hemû aliyan ve rewa be.
El-Nehar bi domdarî got:
“Ji bingehîn çareserkirina aloziya Sûriyê ku pêwîstiyeke, divê îtîrafeke navxweyî ji aliyê hikumeta Şamê ve jî hebe. “