21`ê Sibatê Roja Ziman a Cîhanî ye. Têkildarî vê rojê, giringiya zimanê Kurdî û asta wê li herêmê mamosteyên zimanê Kurdî yên Zanîngeha Rojava Menan Cafer û Darwîn Darî axivîn. Mamosteyan destnîşan kirin ji 3 stûnên Şoreşa Rojava şoreşa ziman bû û gotin: “Yek ji berhemên Şoreşa 19`ê Tîrmehê Zanîngeha Rojava ye”.
Bi şoreşa Rojavayê Kurdistanê re, her pêkhateyek li herêmê dest bi xwendina bi zimanê dayikê kir.
Dibistan, peymangeh û zanîngeh hatin avakirin û li wan bi zimanên Erebî, Kurdî û Suryanî perwerde dihat dayîn.
Ev yek jî weke şoreşa ziman hat binavkirin.
21`ê Sibatê jî Roja Ziman a Cîhanî ye.
Mamosteyên zimanê Kurdî têkildarî vê rojê, giringiya ziman û asta zimanê Kurdî li herêmê axivîn.
Mamosteyê zimanê Kurdî di Zanîngeha Rojava de Menan Cafer dibêje:
“Piştî parçekirina Kurdistanê, siyaseta qirkirinê li dijî Kurdan hat meşandin.”
Hevserokê Beşa Wêje û Zanistên Civakî ya Zanîngeha Rojava Darwîn Darî jî têkildarî şoreşa ziman li Bakur û Rojhilatê Sûriyê axivî.
Darwîn Darî behsa xebata perwerdekirina bi zimanê dayikê û gavên hatîn avêtin kir.