Parêzerên Rêber Ocalan herî dawî 22’ê Gulanê hevdîtin li gel muwekîlê xwe pêk anîn.
Rêber Ocalan di hevdîtina xwe de peyam ji çalakgerên greva birçîbûnê re şand û got;
Li bendê me ku çalakî bi dawî bibe.
Parêzerên Buroya Hiqûqê ya Sedsalê Nevroz Ûysal, Rezan Sarica, Îbrahîm Bîlmez û Raziye Tûrgût li Stenbolê derketin pêşberî çapemeniyê û peyama Ocalan a li ser grevên birçîbûnê û rojiya mirinê ragihandin.
Peyama Rêber Ocalan a ji bo çalakgeran wiha ye:
Di serî de hevalên ku tevlî greva birçîbûnê û rojiya mirinê bûne, li ber ronkahiya daxuyaniya berfireh a du parêzerên min , li bendê me ku çalakiya we bi dawî bibe.
Bi dilrehetî diyar dikim armanca we ya ji bo min diyar kiribû bi cih hatiye û li gel hezkirinê, malavahiyî li we dikim.
Bi taybetî diyar dikim û hêvî dikim ku hûn ê ji niha û pê ve bi xurtî û îradeyeke têrker li gel min bimeşin.
Li gel hezkirina bêdawî û slavên min.
Rêber Ocalan