Li Tirpespiyê 25 şehîdên mehên Çile û Sibatê bi merasîmekê hatin bi bîr anîn.
Meclisa Malbatê Şehîdan a navçeya Tirpespiyê 25 şehîdên ku di mehên Çile û Sibatê li cihên cuda şehîd bûne, bi merasîmkê bi bîr anî.
Merasîm li hola Siyahî bi amedebûna bi dehan welatî, malbatên şehîdan û endamên saziyên navçeyê Pêk hat.
Di destpêka merasimê de sînevîzyonek der barê nirxandinên rêber Abdullah Ocalan ên li ser şehîdan hate pêşandan.
Piştre hevserokê Meclisa Malbatên Şehîdan a herêma Cizîrê Hesen Ibêd axivî û sersaxî ji malbatên şehîdan re xwest.
Ibêd berxwedana Hêzên Sûriya Demokratîk (QSD) û hevgirtina gelên herêmê silav kir û got:
“Em ê berxwedanê berdewam bikin û destkeftiyên li herêmê hatine bidestxistin biparêzin.”
Di dawiya merasîmê de wesîqeyên şehadeta 25 şehîdan hatin xwendin.