Jin di nava amadekariyên 8’ê Adarê Roja Jinan a Cîhanî de ne. Kargeha Lîlît a li Qamişlo ji bo vê rojê dest bi çêkirina cil û bergên gelêrî kiriye. Jin jî eleqeyeke zêde nîşanî dirûtina çilên kurdî didin.
Di van salên dawî de karsazên jinan di bazarên Bakur û Rojhilatê Sûriyê de girîngiyeke mezin girtine.
Di warê beşdariya jin di bilindkirina hilberîna xwecihî de û di nav projeyên têkildarî model û cilan de atolyeya “Lîlît” heye.
Kargeha dirûtinê Lîlît di sala 2018’an de li bajarê Qamişlo di bin çavdêriya Desteya Çand û Hunerê ya herêma Cizîrê de hate vekirin.
Rêvebera Kargeha Lîlît Arya Mela Xelîl diyar kir ku armanca wan bi rêya kargehê vejandina folklora hemû pêkhateyan û parastina xaka wê ji windabûnê û peydakirina derfetên kar ji bo jinan e.
Têkildarî amadekariyên Kargehê ji bo 8’ê Adarê, şêwekar Nûrhan Fethî axivî û got:
Bi rêxistinkirin û amadekariya pêşwext ji bo çalakiyan, 8’ê Adarê ji bo me girîng e.
Kargeha bi navê Rîham Qasim jî wiha anî ziman:
Hebûna jinan di hemû qadan de dihêle ku her jinek bi xwe serbilind be, ji ber ku pirsgirêkên jinan hevpar in û roja cîhanî ya jinan van jinan tîne cem hev.
Em beşdarî gelek pêşangehên berhemên destan dibin.
Her wiha em ji fikr û xeyalên xwe berhemên xwe hildibijêrin û piştre li ser qumaşan çêdikin.
Me cil, şal, berg û kras ji bo jinan amade kirine û wê 8’ê Adara îsal bi têkoşîna jinan were pîroz kirin.
