Piştî 82 salan heman gotinên rêberê Brîtanî Churchill li parlamentoyê hat dubarekirin. Serokomarê Ûkrayna Zelensky ji parlamenterên Brîtanya re axivî û got: Li derya, hewa û bajahiyê em ê şer bikin û xaka xwe biparêzin.
Zelensky ji ber cezayên DYA yên li ser petrola Rûsya jî spasiya Serokê Amerîka Joe Biden kir.
Serokê Ûkraynayê Volodymyr Zelensky îşaret bi axaftina navdar a rêberê berê yê Brîtanya Winston Churchill a di dema Şerê Cîhanê yê Duyem de kir û ji Parlamentoya Brîtanyayê daxwaza alîkariyê kir.
Volodymyr Zelensky bi rêya vîdyoyê ji parlamentoya Brîtanya re axivî û wiha got:
“Ez dixwazim careke din gotinên Brîtanyaya Mezin ya we berê bihistiye û ji bo îro jî derbasdara bêjim:
‘Em ê dev jê bernedin û winda nekin. Heta dawiyê têbikoşin. Em ê li derya, li hewayê li ber xwe bidin. Berdêl çi dibe bila bibe, em ê xaka xwe biparêzin.”
Zelensky wiha dewam kir, “Em ê li daristanan, li zeviyan, li qeraxê, li bajar û gundan li ber xwe bidin. Em ê li ser giran şer bikin. Ez bi xwe jî lê zêde bikim ku em ê li her derê şer bikin.”
Volodymyr Zelensky gotina nivîskarê Brîtanî William Shakespeare a “Hebûn yan nebûn.” bibîrxist û ev tişt anî ziman.
Hûn pirsa Shakespeare baş dizanin. Ûkrayna 13 roj berê dikaribû vê pirsê bikira, lê êdî nayê pirsîn. Em bersiva “hebûnê” didin.”.
Zelensky: Divê şer bidawî bibe û em li ser maseya danûstandinan rûnin
Li aliyekî din, Serokê Ûkraynayê Zelensky di peyama xwe ya vîdyoyî ya weşandî de got:
“Divê şer bi dawî bibe. Divê em li ser maseya danûstandinan rûnin. Lê ne ji bo armancên kevin ên kujer, lê ji bo berjewendîyên rastgo û giştî.”
Zelensky ji ber biryara qedexekirina îthalata neftê ya ji Rûsyayê spasiya Serokê Amerîkayê Joe Biden kir û ev yek ji hemû cîhanê re weke îşareteke xurt nirxand.
Zelensky ji ber biryarê spasiya Biden kir û ev tişt anî ziman: Ev nîşaneyek xurte
Pir hêsan e: her pereyê ku ji Rûsyayê re tê dayîn dibe top û li dijî me tê bikaranîn.”
Serokê Ûkraynayê Volodymyr Zelensky spasiya Rûsiyên ku piştgirî dan wan û daketin kolanan kir û got, hûn ji bo aştiyê têdikoşin.